વ્યક્તિ વિશેષ દીર્ઘા

HALL OF FAME

હેતુ:

• વિદ્યાર્થીઓ મહાપુરૂષોના જીવન ચરિત્રો વાંચે, વિચારે અને એમના જીવનમાંથી પ્રેરણા મેળવે.
• બાળકોને કોઇપણ વિષયના ઉડાણમાં ઉતરી અભ્યાસ કરવાની ટેવ પડે
• લેખન કૌશલ્ય વિકસે
• આજના સમયમાં ખૂબ જ જરૂરી એવી પ્રેઝન્ટેશન તૈયાર કરવાની પણ તાલીમ મળે
• ટીમવર્ડની તાલીમ મળે
• એ દ્વારા નવસારીમાં નર-નારી રત્નોનું એક કાયમી પ્રદર્શન તૈયાર થાય, જેની ડીજીટલ નકલ પણ ઉપલબ્ધ
• હોય. તેમજ Soft/Digital copy હંમેશ માટે ઉપલબ્ધ રહે.
•  દર અઠવાડિયે નવસારીમાં કાયમી સ્તરે એક / બે નર-નારી રત્નોના પ્રદર્શનો ગોઠવાય જેનો તમામ જનતા અને બાળકો લાભ લઇ શકે.
• શાળાને પણ આ પ્રદર્શનો આપવામાં આવશે. જેથી વિદ્યાર્થીઓને પણ બતાવી શકાય.
• મહાપુરૂષોની જન્મ જયંતિ, પુણ્યતિથિ વેળા પણ આવા પ્રદર્શનો યોજી શકાય.

શું કામ કરવામાં આવ્યું:

1. દરેક શાળાને ૨ / ૩ મહાપુરૂષો સૂચવવામાં આવ્યા.
2. શાળાના દરેક વિદ્યાર્થીએ પ્રથમ તબક્કે આ મહાપુરૂષોનું જીવન વાંચવાનું હતું.
3. જીવન ચરિત્રના પુસ્તકોના વાંચન માટે ૧ માસનો સમય આપવામાં આવ્યો હતો.
4. વાચન પૂરૂ થયા બાદ દરેક વર્ગમાં વકતૃત્વ સ્પર્ધા યોજવામાં આવી.
5. વક્તૃત્વ સ્પર્ધા પૂરી થયા બાદ વિજેતા વિદ્યાર્થીઓએ નિબંધો પણ લખ્યા અને નિબંધ લખાયા બાદ પણ અભ્યાસ ચાલુ રાખવામાં આવ્યો.
6. આ નિબંધો આધારિત, નિબંધ સ્પર્ધાના વિજેતા વિદ્યાર્થીઓના જુથ દ્વારા મહાપુરૂષોના જીવનની ઝાંખી કરાવતી ૫૦ સ્લાઇડ તૈયાર કરવામાં આવી, જેના દ્વારા આખરે મહાપુરૂપોનું પ્રદર્શન તૈયાર કરવામાં આવ્યું.

શાળાએ શું કર્યુ:

• ભાગ લેનાર શાળાઓએ બે નર-નારી રત્નોનું એક પ્રદર્શન તૈયાર કર્યુ
• દરેક પ્રદશન આશરે ૧૫ થી ૫૦ સ્લાઇડનું બનેલું છે

કોણે કર્યું:

વિદ્યાર્થઓની ટીમ દ્વારાઃ

ટીમમાં કેટલા વિદ્યાર્થી : ૧૫ થી રપ

આ પ્રદર્શનમાં નીચેના મુદ્દાઓનો સમાવેશ થયોઃ

મહાપુરૂષોના જન્મ, બાળપણ / ભણતર-શિક્ષણ, યુવાવસ્થા, પ્રેરણા ક્યાંથી મેળવી, સંઘર્ષ કરવા માટે શું કર્યું, કેવા પ્રકારની સમસ્યા તેમજ તકલીફોનો સામનો કર્યો, જીવન પરિવર્તન કેવી રીતે થયું, પ્રેરણાદાયી પ્રસંગો સામાજિક, કૌટુંબિક, રાજકીય ઉત્થાન માટે કરેલાં કાર્યો, એમનું મિશન, એમના જીવનનો સંદેશ, એમના મુખ્ય વિચારો, વ્યક્તિત્વ પહેલા / પછી, જીવનનાં અંતિમ વર્ષો, પરિવાર / વશંજ, પુત્રો / પુત્રી હાલ ક્યાં છે, શું કરે છે, જેવાં મુદ્દાઓનો સમાવેશ છે.

લાઇબ્રેરી દ્વારા શું કરવામાં આવ્યું:

• મહાપુરૃષોની યાદી તૈયાર કરી અને શાળાને જણાવવામાં આવી
• જીવનચરિત્રના પુસ્તકો માટે મદદ પૂરી પાડવામાં આવી
• માર્ગદર્શન અને ચકાસણી કરવામાં આવી
• આ રીતે પ્રદર્શન તેયાર કરવામાં આવ્યું
• ફોટોશોપના નિષ્ણાંત દ્વારા આ પ્રદર્શનને આકર્ષક બનાવવામાં આવ્યું
• પ્રદર્શનની એક કોપી શાળાને આપવામાં આવશે
• લાયબ્રેરીની વેબસાઇટ પર આ ૫૩ પ્રદર્શનો મૂકવામાં આવશે (ગુજરાતી અને અંગ્રેજીમાં પણ) જેથી વિશ્વભરના લોકો એનો લાભ લઇ શકશે
• આ પ્રદર્શન ડીજીટલ અને ફ્લેક્ષ બેનર પર એમ હાર્ડ કોપીમાં પણ તૈયાર કરવામાં આવ્યા છે

પ્રોત્સાહન અને પુરસ્કાર:

દરેક બાળકને : રૂ. ૧૦૦/-ના પુસ્તકો

દરેક ભાગ લેનાર શાળાને : રૂ. ૧૦૦૦/-ના પુસ્તકો

કુલ પુરસ્કાર : આશરે રૂ. ૩.૦૦ લાખ

ભાગ લેનાર દરેક બાળકો અને શાળાને પ્રમાણપત્રો